Осминафиналето на Лигата на шампионите беше комплетирано со вчерашните натпревари и објавени се сите учесници во следната фаза од натпреварувањето.
Најдобрите осум екипи го обезбедија тоа преку својата позиција на табелата, а екипите од 9 до 24 место мораа да минат низ плеј-офот за елиминациската фаза. Противниците беа извлечени со жрепка, исто како што ќе бидат извлечени и оние кои ќе играат во осминафиналето во петок.
Веќе се одредени можните двојки за осминафиналето, а жрепката што ќе се одржи утре напладне во Нион ќе елиминира еден од двајцата противници од претходно дефинираните можни двојки и ќе одреди кој ќе конкурира за четвртфиналето.
Првите натпревари од осминафиналето на Лигата на шампионите ќе се играат на 4 и 5 март, а реваншите на 11 и 12 март.
Можни двојки за осминафиналето на Лигата на шампионите:
ПСЖ – Ливерпул или Барселона
Клуб Бриж – Лил или Астон Вила
Реал Мадрид – Атлетико Мадрид или Баер Леверкузен
ПСВ Ајндховен – Арсенал или Интер
Фејнорд – Интер или Арсенал
Баерн – Баер Леверкузен или Атлетико Мадрид
Борусија Дортмунд – Астон Вила или Лил
Бенфика – Барселона или Ливерпул.
Извор: kurir.mk
