„Кога ја носевме методологијата за покачување на пензиите, ниту еден пензионер не беше против“, вели Тренчевска

Јована Тренчевска, министерката за труд и социјална политика на гостувањето во летното издание на „Клик Плус“ зборуваше за протести на пензионерите, кои бараат линеарно покачување на пензиите.

Тренчевска кажа дека кога се носела оваа методологија за покачување на пензиите, пензионерите не беа против.

„Во септември не очекува покачување на пензиите со новата методолија. Во март минатата година кога ја носевме новата методологија и кога ги правевме законите за инвалидско осигурување, ниту еден не пензионер не беше против. Сите пензионери ја поддржаа одлуката. Порастот на пензиите го следи покачувањето на трошоците на живот, ја следи инфлацијата, а ја следи и порастот на просечната плата. Дури и во моменти кога ќе немаме толкава инфлација како што е сега, верувам дека ќе се намали и до крајот на годината ќе дојде до едноцифрена бројка, тогаш пензиите ќе растат повторно, затоа што просечната плата постојано расте. Ќе дојдеме до 600 евра просечна плата, и веќе во јули согласно податоци е над 600 евра“, рече Тренчевска.