Според истражување на БИРН, директорот на Агенцијата за национална безбедност (АНБ) Бојан Христовски полагал ТОЕФЛ двапати, но неговиот јазичен сертификат содржи низа недоследности што ја доведуваат во прашање неговата автентичност.
БИРН добил увид во документите на Антикорупциската комисија по шестмесечна правна битка и откри дека кодот на тест-центарот наведен во сертификатот (APCU 8007) се врзува за „Софија Лаб 1“ во главниот град, а не за студиото „Јулија“ во Пловдив, каде што Христовски тврдеше дека полагал. Фулбрајт-комисијата во Бугарија потврди дека никогаш не соработувала со студиото во Пловдив и дека нивниот код е TC 8007 – различен од наведениот на документот.
Сертификатот покажува дека испитот бил Special Home Edition и дека трите дела (читање, слушање, пишување) Христовски ги завршил на 26 март 2022, додека „говорењето“ го полагал пет дена порано, иако правилата на ETS бараат сите четири сегменти да се завршат во еден блок од околу два часа. Резултатите важат две години, што значи дека сертификатот истекол седум месеци пред Христовски да стане директор (октомври 2024). Освоил 75 поени – едвај над законскиот минимум.
Иако Обвинителството го затвори предметот, ETS формално нуди можност за официјална проверка на валидноста, што досега не е побарана. Останува отворено прашањето дали дипломата на првиот човек на тајната служба е навистина валидна.
Прочитајте повеќе на следниов ЛИНК
ИЗВОР: racin.mk
