Во пресрет на новогодишната ноќ, Клиниката за ТОАРИЛУЦ информира дека е организирана со зголемен број дежурни екипи за обезбедување на потребната здравствена заштита за граѓаните.
„Подготвени сме за обезбедување на неопходната здравствена услуга кај итни и неодложни пациенти, вклучувајќи и пациенти со евентуални несакани последици при прославата на новогодишната ноќ. На сите граѓани им посакуваме среќни новогодишни празници и мирно и достоинствено прославување на новогодишната ноќ, како и умерено консумирање храна и алхохолни пијалаци“, информираат од Клиниката за ТОАРИЛУЦ.
Оттаму апелираат до граѓаните да не користат пиротехнички средства заради можност од сериозни телесни повреди кои може да предизвикаат инвалидитет.
ИЗВОР: racin.mk
