Ќе се вештачи изгореното „ауди“ со кое избегаа убијците од скопската чаршија

March 7, 2023
1 min read

Основното јавно обвинителство – Скопје соопшти дека јавен обвинител денеска издал повеќе наредби во насока на расчистување на синоќешниот оружен инцидент во близина на Старата скопска чаршија, во кој две лица беа лишени од живот, а едно беше повредено.

– По наредба на јавниот обвинител ќе биде извршена обдукција на телото на починатите. Сите обезбедени и подигнати траги и материјални докази од лице место во угостителскиот објект во кој се случи настанот се предадени на вештачење. Обезбедени се снимки од видео надзорот на самиот објект, на околните објекти, како и од системот „Безбеден град“, кои детално ќе бидат проверени. Јавниот обвинител издаде наредба да бидат извршени разговори со повреденото лице, со неколку други лица кои биле присутни во угостителскиот објект за време на настанот, како и со други лица кои би можеле да имаат некакви сознанија за инцидентот, информираа од ОЈО. 

Оттаму додадоа дека во текот на ноќта, била обезбедена уште една локација на патот кон Горно Оризари, каде било пронајдено опожарено возило „Ауди“. По насоки на јавниот обвинител, денеска увидни екипи на МВР вршат детален увид и преглед на таа локација, а сите прибрани траги и докази исто така ќе бидат предмет на вештачење.

– Истражните органи продолжуваат да преземаат интензивни дејствија за проверка на сите околности и откривање на сторителите, истакнаа од ОЈО.

Имено, како што јави МИА, според последните информации од Министерството за внатрешни работи, во СВР Скопје синоќа во 20.11 часот било пријавено дека во угостителски објект на улица „Самоилова“ во Скопје пет лица облечени во црна облека со фантомки од огнено оружје пукале кон Ј.К. (37) и Е.И. (28), кои починале на местото на настанот, и кон А.Т.(34) од Скопје, кој се здобил со повреди и бил пренесен во Градската општа болница „Св. Наум Охридски“ за укажување лекарска помош.

– Околу 20.30 часот било опожарено возило „Ауди А6“ на патот кон Горно Оризари. По насоки од јавен обвинител, извршени се службени разговори со повеќе лица и се преземаат соодветни мерки и активности за расчистување на убиството, наведоа од МВР. с 

ИЗВОР: skopjeinfo.mk

VERO JUMBO MACEDONIA

EVN MACEDONIA

MARKETING

Претходно

Штрајк на синдикатите поради железничката несреќа утре ќе ја парализира Грција

Следно

Земјотрес со јачина од 4,7 степени ја потресе турската област Кајсери

Latest from Blog

Мечка нападна маж во Грција- тој вреска, а пријателот го снима како паѓа во бездна (Вознемирувачко видео)

Христос Ставрианидис (61) ја снимил средбата со мечката во јуни оваа година додека шетал низ шумата со својот пријател Димитриос во Драма, Грција. Снимката од 49 секунди прикажува кафеава мечка како се

Силјановски: Македонскиот фолклор е отпор и идентитет

Спасен Силјановски, еден од најпознатите фолк пејачи во Македонија, ја истакна значајноста на македонскиот фолклор и културното наследство во контекст на критиките дека нашите песни не се доволно вреднувани. „Некој рече дека

МОН системски го реши прашањето со набавка и испорака на учебници, испечатени се и доставени до сите училишта

Четири министри во Владата на СДСМ раководеа со Министерството за образование и наука во период од седум години и не успеаја да обезбедат учебници ниту за основците, ниту за средношколците. Сега кога
Go toTop