Ќира: Верувам дека ќе победам во Струга, ова се приоритетните проекти

Менди Ќира беше гостин во емисијата „10 МИНУТИ“, каде што зборуваше за својата независна кандидатура за градоначалник на Струга, јавува ТВ21.

Тој изјави дека е убеден во победа, бидејќи, како што додаде, „самата фактичка состојба дека сè уште нема противкандидат, покажува дека тој е најдобриот“.

Говореше и за проектите кои му се важни и кои планира да ги реализира доколку го добие мандатот за градоначалник.

Тие вклучуваат изградба на рурално-урбана сообраќајница од Долгошди до градот.

„Ова го имам планирано, имам материјални средства, пари, и се надевам дека ќе го реализирам“, изјави Ќира.

Потоа, спомена и градски паркинзи за иселениците и туристите.

„Фокусот е на подземни паркинзи преку јавно-приватно партнерство“, додаде Ќира.