Кинескиот претседател Си Ѓинпинг ќе присуствува на самитот на БРИКС во Русија

ИСТАНБУЛ (АА) – Кинескиот претседател Си Ѓинпинг денес отпатува за Русија за да присуствува на самитот на економскиот блок БРИКС, јавува Анадолу.

Шеснаесеттиот самит на БРИКС ќе биде отворен во градот Казан, чиј домаќин ќе биде рускиот претседател Владимир Путин.

Високиот претставник на Комунистичката партија на Кина, Чаи Чи и министерот за надворешни работи Ванг Ји ќе го придружуваат Си до четврток.

Се очекува Си да одржи билатерални состаноци на маргините на самитот што најверојатно ќе се фокусираат на клучните прашања, како и финансирањето, технологијата, трговијата со храна и проширувањето на членството во блокот.

На настанот, кој се одржува во руската Република Татарстан, се очекува да присуствуваат претставници од 32 земји, вклучително и 24 лидерии на држави, соопшти Кремљ.

БРИКС, составен од Бразил, Русија, Индија, Кина и Јужноафриканската Република, неодамна се прошири и ги вклучи Египет, Етиопија, Иран и Обединетите Арапски Емирати.

Путин рече дека 34 земји, вклучително и Туркије, изразиле интерес за придружување на блокот.

Експертите предвидуваат дека на самитот ќе се стави значаен фокус на проширувањето на БРИКС.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.