Севернокорејскиот лидер Ким Џонг-ун, на вчерашната средба со рускиот министер за одбрана Андреј Белоусов во Пјонгјанг, истакна дека Русија има право на самоодбрана.
Според Ким, Украина поради САД и западните земји „ја нападна руската територија со нивно оружје со долг дострел“ па затоа Русија мора нешто да преземе за „непријателските сили да ја платат цената“.
Лидерот на Северна Кореја најави продлабочување на соработката со Русија во сите сфери, вклучително и воената, во согласност со Договорот за стратешко партнерство.
Севернокорејската новинска агенција (КЦНА) не наведува дали Ким и Белоусов разговарале за севернокорејските трупи кои се борат на страната на Русија во војната против Украина. Според тврдењата на Пентагон и Украина, за Русија се борат околу 11.0000 севернокорејски војници.
Извор: 24vesti.mk
