Ким Јонг Ун му испрати честитка на рускиот колега по повод рускиот национален празник и уште еднаш ја поддржа Русија по почетокот на агресијата врз Украина
Народот на Северна Кореја му изразува целосна поддршка и солидарност на рускиот народ, изјави денеска севернокорејскиот лидер Ким Јонг Ун, пренесуваат тамошните државни медиуми.
Ким Јонг Ун му испрати честитка на рускиот колега по повод рускиот национален празник и уште еднаш ја поддржа Русија по почетокот на агресијата врз Украина.
Во соопштението објавено од севернокорејската новинска агенција КЦНА не се споменува инвазијата на Украина или учеството на Москва во вооружениот конфликт, но се пофалени „добрата одлука и лидерството на Владимир Путин да ги запре растечките закани на непријателските сили“.
„Ја поддржуваме Русија во светата и безмилосна борба за одржување на сопствениот суверенитет, развој и интереси на својата земја“,
се вели во соопштението, алудирајќи на конфликтот против западните империјалистички сили, поточно против Соединетите Американски Држави.
Северна Кореја и Ким Јонг Ун во исто време ја осудија западната воена помош за Украина и уште еднаш ја негираа сопствената помош со ракети и проектили на руската паравоена група Вагнер.
Фото: EPA-EFE/KCNA EDITORIAL USE ONLY
Извор: 360stepeni.mk
