Кацарска: Се надевам дека ќе се отвори Уставот и во него ќе се внесе и уставна тужба

Претседателката на Уставен суд Добрила Кацарска, вечерва во ТВ21 во „Клик Плус“ кажа дека се надева дека ќе се отвори Уставот за да се внесат Бугарите во него, и дека ќе се внесе и уставната тужба, која според неа, е важна за државата.

„Очекував дека со отворањето на Уставот, во Уставот ќе се внесе и уставната тужба. Уставната тужба значи многу на граѓаните, затоа што им даваме можност да ги остварат своите права во матичната држава, но и самата држава ќе има многу бенефит. Еден предмет помаллку да оди во меѓународен суд, една пресуда помалку, значи многу. Тука е угледот на државата, што е за мене многу важно“, рече Кацарска.