Најмалку 12 лица се водат како исчезнати откако згради се урнале поради силни врнежи од дожд во градот Чамоли, во индиската сојузна држава Утараканд, соопштија денеска локалните власти.
Главниот министер на Утараканд, Пушкар Синг Дхами, изјави дека локалната администрација, Државната служба за одговор при катастрофи (SDRF) и полициските тимови веднаш пристигнале на местото на настанот и се ангажирани во операции за помош и спасување, пренесува Indian Express.
Спасувачките екипи досега успеале да извлечат две жени и едно дете кои биле заробени под урнатините, а околу 200 жители се евакуирани на безбедни места.
Урнувањето на зградите во Чамоли се случи два дена откако 23 лица загинаа во свлечишта и излевање на реки во Дехрадун и соседните окрузи на Утаракан.
Патиштата во тој дел од Утаракханд се блокирани од поплави и лизгање на земјиштето, што ги отежнува спасувачките напори.
Извор: tv21
