Обвинителството на Зеничко-добојскиот кантон (ЗДК) поднесе обвинение против Аида Салчиновиќ, кантонската министерка за здравство.
Општинскиот суд во Високо го потврди обвинението со кое Салчиновиќ се товари за сериозно оштетување на здравјето на пациентката откако неправилно инјектирала дермални филери во јуни 2021 година.
Таа е министерка од 2023 година.
Според Обвинителството, постапката била извршена надвор од овластената и медицински подготвена зона, без пропишани услови и без писмена согласност од пациентката. Во обвинението се наведува дека на 14 јуни 2021 година, таа ги ставила/аплицирала филерите во тоалетот, по што пациентката И.Б. имала сериозни и трајни здравствени последици.
Во обвинението се наведува создавање на значително лузно ткиво на десната страна од лицето, деформирачка лузна од внатрешниот агол на окото до образот, асиметрија на зигоматските региони, влошување на мускулите и поткожното ткиво и трајно оштетување на изразите на лицето на десната страна од лицето. Слични промени се случиле и на левата страна од лицето.
Во времето на постапката, Салчиновиќ работела како лекарка за итна медицинска помош во Зеничката кантонска болница, додека од 2023 година ја извршува функцијата министерка за здравство, пишува Klix.ba.
По потврдувањето на обвинението, ќе следи судење пред Општинскиот суд во Високо.
На фотографијата е прикажана Аида Салчиновиќ. Скриншот: YouTube/IPD – Институт за население и развој
Извор: vecer.mk
