Фудбалерот од средниот ред Едуардо Камавинга ќе потпише нов долгорочен договор со Реал Мадрид, пренесува „Марка“.
Според изворот, 20-годишниот француски играч за врска се согласил да го продолжи престојот на „Сантијаго Бернабеу“. Според новиот договор, платата на играчот од средниот ред значително ќе се зголеми, а отштетната клаузула ќе изнесува една милијарда евра. Со тоа „кралевите“ сакаат да ги заштитат своите фудбалери од понудите кои доаѓаат од Саудиска Арабија.
Едуардо Камавинга во Реал Мадрид дојде од Рен во 2021 година, кога „кралевите“ за него платија 40 милиони евра. Во сезоната 2022/23, Французинот имаше 37 настапи за тимот на Карло Анчелоти во Ла Лига и забележа една асистенција.
ИЗВОР: kurir.mk
