Претседателот на СДСМ Венко Филипче е единствен кандидат за претседател на партијата на редовните внатрепартиски избори кои ќе се одржат на 16 март 2025 година, утврдила Централната изборна комисија.
Ова потсетува на златните времиња на комунизмот од кој и произлегува СДСМ, партија наследник на имотот на македонските комунисти.
Комисијата одржала седница за разгледување на поднесените кандидатури за претседател на СДСМ и утврдување на листа кандидати за редовните внатрепартиски избори.
-Врз основа на Статутот на СДСМ како и врз основа на Член 9 од Правилникот за критериумите, начинот и постапката за кандидирање и избор, Централната изборна комисија утврди единствена листа на потврдени кандидати за претседател на СДСМ: 1. Венко Филипче, соопштија денеска од СДСМ.
Одлуката на Комисијата ќе биде објавена на веб страната на СДСМ заедно со програмата на кандидатот а ќе биде доставена и до сите Општински изборни комисии.
СДСМ, велат оттаму, е единствената партија во земјата во која што членството бира претседател на директни внатрепартиски избори што, како што нагласуваат, говори за демократскиот капацитет и на партијата и на членовите.
Познавачите на состојбите прогнозираа дека СДСм во игра ќе ја стави и Фани Сорос, особено поради анти-Трамп движењето во партијата кое е доминантно поради одличните односи на САД со ВМРО-ДПМНЕ. Сепак, марионетата на најголемиот Трампов противник, Џорџ Сорос, нема да се вклучи. Можеби, поради тоа што знае само два-тројца во партијата, како што и самата изјави. Поверојатно, ценат познавачите, поради тоа што така решил Заев.
И така, демократската партија ќе избира меѓу Венко и Филипче.
Резултатот, ќе бил неизвесен до крај…
ИЗВОР: kurir.mk
