Бегството од
студот најубаво е да се побара во топлината на домот, но греењето на просториите, покрај
пријатноста, носи и низа негативни последици. За да го неутрализирате престојот
во простории со исклучително сув воздух, постојат неколку начини.
Проветрување
на просториите
Проветрувањето
е најлесен и најсигурен начин да обезбедите оптимална влажност на воздухот, да ги уништите микроорганизмите и слично. Доволно е три пати на ден
да ги отворите прозорците и да проветрите по три минути. Ако не сте дома во
текот на денот, сосема е доволно да ги отворите прозорците наутро и навечер.
Чинии со
вода на грејни тела
Овие чинии
се исто така многу ефикасни, а најдобри резултати даваат ако ги користите во
комбинација со проветрување. Не се скапи, а многу се корисни. Ако користите
чинии за радијатор, најдобро е да купите пластични, бидејќи водата во нив
најбрзо испарува. На акумулациски печки едноставно ставете сад со вода и
оставете да испарува полека. Во садот можете да додадете и неколку капки
етерично масло од лаванда, еукалиптус или мента. Етеричните масла имаат
антивирусно дејство, поволно влијаат на дишните патишта и ја отстрануваат
заморот. Водата во садот менувајте ја секој ден.
Варење
вода со кора од цитрус
Сувиот
воздух можете да го навлажните и со варење вода. Доволно е во обичен сад да
налеете вода и да додадете парчиња кора од портокал или лимон. На тивко оган
оставете смесата да зоврие. Пареата ќе ја зголеми влажноста во просторијата, а
мирисот на цитрус ќе го подобри вашето расположение.
Собни
растенија
Собните
растенија го прават воздухот посвеж и влажен, затоа пополнете ги сите простории
со нив, освен оние во кои спиете. За пријатна атмосфера и оптимална влажност ќе
се погрижат фикус, филодендрон, драцена, собни палми или дрво лимон.
Извор: vecer.mk
