Јужнокорејски научници со фузија постигнаа 100 милиони степени во траење од 48 секунди

April 2, 2024
1 min read

Научници од Јужна Кореја објавија дека постигнале светски рекорд во експеримент, кога, при нуклеарна фузија, успеале да достигнат температура од 100 милиони Целзиусови степени и тоа траело 48 секунди. За споредба, тоа би било седум пати потопло од јадрото на Сонцето.

Постигнувањето на Истражувачкиот центар при Корејскиот институт за фузија и енергија се случило на тестовите од декември 2023. и февруари 2024 година. На овој начин, направен е уште еден чекор во развојот на енергијата што ќе се произведува со нуклеарна фузија. Научно кажано, фузија е спојување на два атома што севкупно ослободува огромни количества енергија. А, целта е постигнување на истата реакција што ги поттикнува Сонцето и другите ѕвезди – да светат.

Сето ова често се нарекува „свет грал“ за решавањето на климатската криза бидејќи фузијата има потенцијал да обезбеди неограничено количество енергија, без јаглеродното загадување што ја загрева планетата Земја. Но, нуклеарната фузија е исклучително предизвикувачка за науката.

Директорот на Институтот, Си-Ву Јун, истакна дека високата температура и плазмата со висока густина, во којашто реакцијата може да трае подолго време, се од витално значење.

Научниците истакнаа дека успеале да одржат таква температура користејќи волфрам наместо јаглерод. Следната цел, за до 2026 година, е да се одржат 100 милиони степени до 300 секунди. Она што го прават научниците во Јужна Кореја ќе придонесе за развој на Меѓународниот термонуклеарен реактор во Франција – ИТЕР.

Во САД во 2022 година, беше постигнато производство на повеќе енергија за време на нуклеарната фузија отколку што е потребно за самиот експеримент. Следниот рекорд во производството на енергија од фузија беше поставен во Оксфорд, каде што, во експеримент, за пет секунди биле произведени 69 мегаџули енергија, што е доволно за снабдување 12.000 домови.

Сепак, човештвото сè уште е далеку од комерцијализација на нуклеарната фузија.   (МИА)

Извор: kurir.mk

MARKETING

MARKETING

Претходно

Мелина упаднала во вилата на Харис, па тој викнал полиција: Двајцата добиле забрана за приближување

Следно

Над 800 кандидати за 120 места во парламентот

Latest from Blog

12 години затвор за смртта на Фросина – таткото бесен: Судот е мафија, одбраната ќе поднесе жалба

Васил Јованов е осуден на 12 години затворска казна за смртоносното прегазување на Фросина Кулакова која поминувала на пешачки на зелен семафор. 20 годишникот бил под дејство на алкохол, без возачка дозвола

СДСМ: Муцунски за една година не покажа никаков  резултат, целосен дебакл на надворешната политика

На прес конференција на СДСМ, која што ја одржа Фатон Бејта од партиската Комисија за надворешни работи, е истакнато дека после една година од изборите и речиси цела година од мандатот на

Израел уби палестински новинар додека беше на лекување во болница во Газа

АНКАРА (АА) – Израелската армија рано утринава уби палестински новинар додека беше на лекување во болница во Кан Јунис, јужниот дел на Појас Газа, јавува Анадолу. Канцеларијата за медиуми на Владата со

Од 1 јуни македонските компании ќе снабдуваат 1000 потрошувачи со струја на косовскиот пазар

Од 1 јуни македонските снабдувачи и трговци со електрична енергија ќе имаат можност да снабдуваат нови 1000 потрошувачи од косовскиот пазар, каде стартува дополнителната фаза на либерализацијата на пазаротсо електрична енергија. Ова
Go toTop