Јапонската влада денес одобри дополнителни санкции против Русија, замрзнувајќи ги средствата на 51 група и 14 поединци поради војната во Украина.
Како што изјави Министерството за надворешни работи на Јапонија, ова се првите санкции на Јапонија против Русија од јануари, објави „Кјодо“.
„Ја донесовме одлуката бидејќи руската инвазија на Украина сè уште е во тек“, изјави на прес-конференцијата портпаролот на јапонската влада, Јошимаса Хајаши.
Владата соопшти дека замрзнувањето на средствата се однесува на 47 групи и девет лица во Русија, како и на една група и пет лица во источна и јужна Украина, за кои се верува дека се вклучени во дестабилизацијата на Украина.
Јапонија, исто така, воведе забрани за извоз на 11 групи, вклучувајќи ги и оние со седиште во Русија, Кина и Турција.
Извор: tv21
