МОСКВА (АА) – Градоначалникот на Москва, Сергеј Собјанин, изјави дека два дрона извршиле напад на Москва околу 4 часот по локално време (3 часот по средноевропско време), известува Анадолу.
Информирајќи дека беспилотните летала удриле во две празни згради, Собјанин ја сподели информацијата дека нема загинати или повредени во нападот.
Во писменото соопштение што го објави руското Министерство за одбрана се вели дека нападите со беспилотни летала ги извршила Украина. „Во спречениот терористички напад извршен од страна на режимот во Киев нема човечки загуби“, се наведува во соопштението.
Извор: www.aa.com.tr
