Низа пропусти повторно се утврдени на Детската клиника од страна на Здравствениот инспекторат поврзани со последниот смртен случај на седум месечно бебе.
На клиниката се уште не е решен проблемот со задолжително присуство на специјалист во дежурната амбуланта, а за кое веќе се води прекршочна постапка.
И понатаму медицинска документација се креира од доктори кои не се присутни на работа за што и претходно беше издадено решение од инспекторатот.
Констатирани се неправилности и при водењето на прием на итни пациенти, за што клиниката односно одговорното лице ќе треба да плати парична казна.
Од инспекторатот ќе бараат од министерот за здравство да формира и посебна комисија која ќе изврши и стручен надзор врз начинот на кој било лекувано бебето.
Ова е четврти смртен случај на детска клиника во изминативе неколку месеци.
Извор: 24vesti.mk
