Израелските напади врз Газа продолжуваат 199 ден: Бројот на загинати Палестинци достигна 34.151

ГАЗА (АА) – Бројот на убиени Палестинци во нападите на израелската Армија врз Појасот Газа од 7 октомври 2023 година достигна 34.151, јавува Анадолу.

Во соопштението на палестинското Министерство за здравство објавени се најновите податоци за израелските напади врз Појасот Газа, што траат веќе 199 дена.

Во соопштението се наведува дека 54 Палестинци се убиени, а 104 се ранети во нападите што израелската Армија ги изврши врз Појасот Газа во последните 24 часа.

Со ова бројот на убиени Палестинци во израелските напади од 7 октомври наваму се зголеми на 34.151, а бројот на повредени на 77.084.

Во соопштението исто така се посочува и дека под урнатините и на патиштата сѐ уште има мртви, но поради препреките од израелските војници, медицинските тимови и припадниците на цивилната заштита не можат да стигнат до телата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.