КИЕВ (АА) – (АА) – Израелскиот министер за надворешни работи, Ели Коен, пристигна денеска во главниот град на Украина, Киев, за повторно да ја отвори Амбасадата на Израел во Украина, јавува Анадолу.
Коен е првиот израелски министер што го посети Киев по избувнувањето на војната во Украина во февруари минатата година.
Тоа е прва странска посета на Коен откако ја презеде функцијата министер за надворешни работи на Израел во декември 2022 година.
„Израел минатата година застана покрај украинскиот народ и Украина, а денеска ќе ја вратиме Израелската амбасада во Киев на континуирана активност со цел зајакнување на односите меѓу двете земји“, се вели во соопштението на Министерството за надворешни работи на Израел.
Се очекува Коен да се сретне со украинскиот претседател Владимир Зеленски и со украинскиот министер за надворешни работи, Дмитро Кулебa.
Извор: www.aa.com.tr
