Израелскиот министер Кац: Воените авиони го уништија седиштето за внатрешна безбедност на Иран

ИСТАНБУЛ (АА) – Во Техеран се слушнаа експлозии откако израелската армија соопшти дека започнува нови воздушни напади врз иранскиот главен град, пренесува Анадолу.

Во соопштението на израелската армија се вели дека воените авиони моментно напаѓаат ирански воени цели во Техеран.

Израелскиот министер за одбрана Израел Кац соопшти дека борбените авиони го уништиле иранскиот штаб за внатрешна безбедност во Техеран.

„Торнадото продолжува да го удира Техеран. Ќе продолжиме да ги напаѓаме симболите на владата и да го напаѓаме режимот на ајатолахот насекаде“, порача тој преку платформата X.

Сè уште нема информации за жртви.

Регионалните тензии ескалираа од петокот, кога Израел започна воздушни напади врз повеќе локации низ Иран, меѓу кои и воени и нуклеарни објекти, што го натера Техеран да започне одмазднички напади.

Израелските власти соопштија дека најмалку 24 лица се загинати, а стотици се повредени оттогаш во иранските ракетни напади.

Во израелските напади врз Иран загинале 585 лица, а над 1.300 се ранети, според јавувањата на иранските медиуми.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.