АНКАРА (АА) – Израелските сили продолжуваат со бруталните напади врз Појасот Газа, но и врз окупираниот Западен Брег, а свирепоста на израелските војници најдобро ја илустрира видеото споделено на социјалните мрежи на кое се гледа како ги клоцаат и ги фрлаат тела на убиените Палестинци од покривот на зграда, пренесува Анадолу.
Видеото е објавено на социјалните мрежи, а настанот се случил за време на вчерашната рација на израелските војници во местото Кабатија кај Џенин, во северниот дел на окупираниот Западен Брег.
За време на рацијата израелските војници ја опколиле зградата и убиле најмалку тројца Палестинци.
Според очевидци, израелските војници ги фрлиле телата на убиените Палестинци од покривот на зградата.
Ова го потврдуваат и видеата објавени на социјалните мрежи.
Очевидци изјавија дека телата на убиените Палестинци подоцна биле однесени со булдожери на израелската армија.
Извор: Anadolu Agency (AA)
