КУДС (АА) – Израелскиот министер за национална безбедност, Итамар Бен-Гвир, денес повика на продолжување на политиката на атентати врз лидерите на палестинските фракции, јавува Анадолу.
Бен-Гвир, лидерот на екстремно десничарската партија Еврејска сила, го упати повикот за време на партискиот состанок одржан во еврејската населба Авитар во близина на градот Наблус на Западниот Брег.
„Време е за враќање на заканите и елиминација на лидерите на [палестинските] групите“, рече Бен-Гвир.
Израелскиот министер истакна дека е решен да ја легализира населбата Авитар, додавајќи дека разговарал со премиерот Бенјамин Нетанјаху за да им дозволи на семејствата да останат во населбата.
Израелскиот суд нареди напуштање на населбата Авитар бидејќи е изградена на палестинска земја.
Вчера, израелски доселеници нападнаа Палестинци во градот Хувара во близина на Наблус, и вандализираа неколку куќи и автомобили. Насилството се случи откако двајца еврејски доселеници беа убиени во напад со огнено оружје во близина на градот.
Според палестинските податоци, од почетокот на оваа година, од израелските сили убиени се најмалку 62 Палестинци.
Во средата, израелските сили убија 11 Палестинци за време на воен упад во Наблус во период на зголемени тензии низ палестинските територии.
Израелските и палестинските проценки покажуваат дека има околу 650.000 еврејски доселеници кои живеат во 164 населби и 116 селца на окупираниот Западен Брег.
Според меѓународното право, сите еврејски населби на окупираните територии се сметаат за нелегални.
Извор: www.aa.com.tr
