Израелската војска во текот на целата ноќ го бомбардираше Појасот Газа, користеше и фосфорни бомби

December 6, 2023
1 min read

ГАЗА (АА) – Израелската Армија уби многу Палестинци во нападите што продолжија во текот на ноќта во различни делови на Појасот Газа, јавува Анадолу.

Според вестите на официјалната палестинска новинска агенција ВАФА, во израелското бомбардирање на две куќи во бегалскиот камп Нусајрат во централниот дел на Појасот Газа загинале шест лица, а многумина се повредени.

Три лица се убиени, а многумина се повредени кога израелските воени авиони бомбардираа куќа во градот Хан Јунис во јужниот дел на Газа.

Израелската Армија со артилериски оган ги погоди населбите Ал-Туфах, Ал-Дарај и Ал-Шуџаија во градот Газа и регионите Ал-Фухари, Хузаа и Абсан источно од Хан Јунис.

ВАФА наведува дека израелските сили жестоко го нападнале центарот на бегалскиот камп Џабалија на северот од Појасот Газа со фосфорни бомби.

Тимовите за цивилна одбрана соопштија дека многу мртви и повредени се затрупани под урнатините поради нападот на израелската Армија и дека е тешко да се извлечат од урнатините.

Израелските сили приведоа 35 здравствени работници, вклучително и лекари и работници на брзата помош во Појасот Газа.

Израелската Армија соопшти дека во последните 24 часа извршила воздушни напади на околу 250 локации во блокираниот Појас Газа.

И покрај повиците за прекин на огнот од целиот свет, Израел продолжува со нападите врз Појасот Газа.

Израелската Армија, која започна копнен напад врз Хан Јунис на југ, како и на северот на Појасот Газа, ги засили воздушните напади во регионот.

Во соопштението на Армијата се наведува дека во последните 24 часа биле извршени воздушни напади на околу 250 локации во Појасот Газа.

Тие тврдат дека биле погодени локациите каде што се наоѓаат бригадите Ал Касам, вооруженото крило на Хамас.

Израел во петокот ја продолжи својата воена офанзива на Појасот Газа, откако заврши еднонеделното хуманитарно примирје со Хамас, бидејќи страните не успеаја да се договорат за условите за одржување на примирјето.

Бројот на убиени Палестинци од почетокот на израелските напади на 7 октомври се зголеми на 16.248.

Меѓу жртвите има 7.112 деца и 4.885 жени. Во израелските напади беа ранети повеќе од 43.616 луѓе.

Околу 7.600 луѓе сѐ уште се водат како исчезнати во урнатините низ Појасот Газа.

Официјалната бројка на загинати во Израел изнесува 1.200, при што, според зборовите на пилот на Израелските вооружени сили, можно е дел од загинатите Израелци да се жртва на примената на „Ханибаловиот протокол“ од страна на израелската војска.

„Ханибалова директива“ или „Ханибаловиот протокол“ е контроверзна процедура што ја користат израелските одбранбени сили (IDF) со цел да се спречи киднапирање на израелските војници од страна на непријателските сили. Според оваа директива, „киднапирањето мора да се запре со сите средства, дури и по цена на напад и елиминирање на киднапираните“. Овој протокол од страна на Израел е воведен во 1986 година.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). .

VERO JUMBO MACEDONIA

EVN MACEDONIA

MARKETING

Претходно

Јаневска: СДС и ДУИ го уништија образованието, Македонија е на дното на ПИСА тестирањето

Следно

Дожд и снег утре, за викендот стабилно и потопло

Latest from Blog

Папата Лав Четиринаесетти наполни 70 години

Официјална свеченост по повод роденденот на папата не е предвидена во Ватикан. Во својата традиционална неделна молитва Лав Четиринаесетти денеска му се заблагодари на Бог, на своите роднини и на сите кои

Андрулакис: Победа на ПАСОК и пораз на Нова демократија значи промена за Грција

Политичката промена за Грција поминува преку пораз на денешната Влада, преку пораз на Нова демократија. Победа на ПАСОК и пораз на Нова демократија значи промена за земјата, нагласи лидерот на грчката опозициска

Селта се спаси од пораз на домашен терен

Со гол постигнат во втората минута од судиското продолжение, тимот на Селта предмалку се спаси од пораз на свој терен во дуелот против Џирона, кој што заврши со конечен резултат од 1:1.

На 46-години почина легендарниот боксер Рики Хатон

Трагична вест пристигнува од Манчестер, каде утрово е пронајден мртов Рики Хатон, една од најголемите британски боксерски легенди. Безживотното тело на 46-годишниот Хатон било пронајдено во неговиот дом во Хајд, во реонот

Мицкоски ја посети „Дрисла“: Ситуацијата е стабилна

Премиерот Христијан Мицкоски денеска ја посети депонијата „Дрисла“. – Денеска ја посетив Дрисла, каде што се уверив дека пожарот е целосно локализиран и ставен под контрола. Благодарение на навремената интервенција на службите,
Go toTop