ГАЗА (АА) – Израелската војска уништи околу 80% од возилата и опремата за спасување на тимовите на Цивилната заштита во блокираниот Појас Газа, известува Анадолу.
Во соопштението на Канцеларијата за медиуми на Владата во Газа се наведува дека возилата и опремата на тимовите на Цивилната заштита, Итната помош и екипите за спасување, исто така биле цел на суровите израелски напади.
Канцеларијата наведе дека поради тоа, активностите на спасување луѓе под урнатините се спроведуваат со ограничени средства.
Во соопштението се вели дека спасувачите не можеле да дојдат до сите подрачја на израелскиот масакр бидејќи борбените авиони на Израел бомбардирале и уништиле поголем дел од спасувачките возила, како и поради недостатокот на гориво во преостанатите возила.
„Хуманитарната ситуација во регионот достигна катастрофално ниво, а окупациската војска повторно бомбардираше десетици домови.“
Во соопштението се наведува дека за „геноцидот се одговорни израелските окупациски сили, но и меѓународната заедница, првенствено администрацијата на САД предводена од претседателот Џо Бајден и државниот секретар Ентони Блинкен, бидејќи му дадоа зелено светло на Израел.“
