КУДС (АА) – Израелската војска соопшти дека во последните 24 часа во копнените судири во Појасот Газа ранети се 14 војници, пренесува Анадолу.
Според податоците објавени на интернет-страницата на израелската војска, бројот на повредени војници од 7 октомври досега се искачи од 2.482 на 2.496.
Во болниците, според податоците, се лекуваат вкупно 410 израелски војници, од кои 39 се тешко повредени, 266 имаат средни повреди, а 105 се со лесни повреди.
Израелската војска соопшти дека од почетокот на нападите на 7 октомври во Појасот Газа загинати се 520 израелски војници, од кои 186 за време на копнената офанзива.
Инаку, израелската војска ја објавува бројката на загинати војници за кои семејствата даваат дозвола да се соопштат имињата.
Извор: Anadolu Agency (AA)
