ГАЗА (АА) – Израелската војска утрово објави дека уште тројца војници загинале во судирите во северниот дел на Појасот Газа, пренесува Анадолу.
Во соопштението пренесено од онлајн весникот „Тајмс оф Израел“, израелската војска ги идентификувала тројцата војници како поручник Јарон Елиезер Читис (23), заменик-командант во армиската Бригада Гивати, водник прва класа Итај Батон (20) и Ефраим Џекман (21), и двајцата од Бригадата Гивати.
Во претходното соопштение, израелската војска соопшти дека во Газа загинати се пет војници, меѓу кои и команданти, и дека повредени се 43 војници, од кои девет се во тешка состојба.
Вкупно 164 израелски војници се загинати во Газа од почетокот на израелската копнена операција во енклавата на 27 октомври.
Бројот на загинати од редовите на израелската војска од почетокот на израелските напади врз Газа на 7 октомври порасна на 491.
Израел започна напади врз Појасот Газа по прекуграничниот напад на палестинската група Хамас на 7 октомври, при што според палестинските здравствени власти, загинати се најмалку 20.915 Палестинци, главно жени и деца, а повредени се 54.918.
Се смета дека во нападот на Хамас загинати се околу 1.200 Израелци.
