Израелската војска ги повика Палестинците да се евакуираат од повеќе области во Појасот Газа

May 11, 2024
1 min read

АНКАРА (АА) – Израелската војска денес издаде повеќе наредби за евакуација на различни области во Појасот Газа, јавува Анадолу.

Портпаролот на војската, Авичај Адраи, преку соопштение упати „повик до сите жители и раселени лица во подрачјаето на Џабалија и населбите Ал-Салам, Ал-Нур, Тал Ал-Затар, проектот Беит Лахиа, кампот Џабалија, Езбет Млин, Ал- Равда, Ал-Нузха, Ал-Џарн, Ал-Нахда и Ал-Зухур“ во северниот дел на Појасот Газа, барајќи тие „веднаш да одат во засолништата во западниот дел на градот Газа“.

Армијата, исто така, побара евакуација на некои населби во источна Рафа, град во јужниот дел на Газа, каде што ги прошири операциите.

Тој повика луѓето од „населбите во источна Рафа … конкретно камповите во Рафа и Шабура, и населбите Ал-Адари, Ал-Џенеина и Кирбат Ал-Адас во блоковите 6-9, 17, 25-27, 31“ да „се упатат кон проширената хуманитарна зона во Ал-Маваси“.

Војската претходно нареди 100.000 раселени палестински жители од Рафа да се евакуираат во Ал-Маваси пред започнувањето на инвазијата.

Неколку земји го предупредија Израел да не спроведе воена операција во Рафа, во која се засолнети најмалку 1,4 милиони раселени Палестинци.

Во израелските напади врз Појасот Газа, кои започнаа како одмазда за нападот на Хамас на 7 октомври, досега загинаа речиси 35.000 Палестинци.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Правилото “2-2-2“ може да ви помогне да го зачувате бракот и да ја зајакнете вашата врска

Следно

ВО НЕГОВ СТИЛ: Еве како Новак Ѓоковиќ се појави по вчерашниот несреќен случај каде беше погоден со шише во главата, денес нема да може да го „повредат“

Latest from Blog

Четири активни пожари во Македонија

Центарот за управување со кризи информира дека во Македонија има четири активни пожари. Опш. Прилеп: с. Бешиште (приземен во мешана шума) Опш. Македонски Брод: с. Црешнево (деградирана дабова шума и грмушки) Опш.

Активни четири пожари, два полициски и еден армиски хеликоптер го гаснат пожарот над магистралниот пат Скопје – Блаце

Во моментов има 12 пожари на отворено, од кои четири се активни, еден е локализиран, а седум се изгаснати, објави ЦУК. Активни се пожарите во Општина Прилеп: село Бешиште, каде е зафатена

На ГП Табановце се чека до половина час

Утрово има зголемена фреквенција на возила на ГП Табановце, каде времето на чекање за влез во државата е околу 15 до 30 минути. На останатите гранични премини, од македонска страна, нема подолги
Go toTop