АЛ-КУДС/ЕРУСАЛИМ (АА) – Израелската армија соопшти дека денес пресретнала иранско беспилотно летало лансирано од Ирак над Средоземното Море кај брегот на Бејрут, јавува Анадолу.
Според Армиското радио, можна дестинација на беспилотното летало било морското гасно поле Кариш, израелско лежиште на природен гас.
„Иранските милиции во Ирак лансираа беспилотно летало, но, според безбедносни извори, тоа е нивна иницијатива, а не во режија на Хезболах“, соопшти радиото.
Не се дадени детали за маршрутата на беспилотното летало до Средоземното Море или за средствата што Израел ги користел за да го пресретне.
