ЛИБАН (АА) – Израелската Армија денес соопшти дека бројот на загинати меѓу воениот персонал во моменталниот конфликт со палестинските групи се искачил на 304, пренесува Анадолу.
Преку соопштение објавено на интернет, Армијата ги соопшти имињата на уште двајца војници кои загинале во судирите во населбата Нетив ха-Асара во близина на Појасот Газа во јужен Израел.
Со ова, бројот на загинати во израелската Армија се искачи на 304, откако последниот објавен биланс вчера (вторник) изнесуваше 302.
Дванаесет дена по избувнувањето на конфликтот со групата на отпорот Хамас, израелското бомбардирање и блокадата на Појасот Газа продолжуваат, со раселени над 1 милион луѓе, речиси половина од вкупното население на Газа, соопшти Агенцијата на Обединетите нации за палестински бегалци (УНРВА).
Судирите започнаа на 7 октомври кога Хамас ја започна операцијата „Поплава Ал-Акса“, ненадеен напад од повеќе страни со низа ракетни лансирања и инфилтрација во Израел преку копно, море и воздух. Хамас наведе дека операцијата била одмазда за израелските упади во џамијата „Ал-Акса“ и зголеменото насилство од страна на еврејските доселеници врз Палестинците.
Израелската војска потоа ја започна операцијата „Железни мечеви“ против позициите на Хамас во Појасот Газа.
