АНКАРА (АА) – Израелската армија денес објави дека во текот на ноќта извршила повеќе од 500 напади врз цели низ Појасот Газа, јавува Анадолу.
Израелската војска соопшти дека извршила воздушни напади и артилериски гранатирања врз повеќе од 500 цели на групите Хамас и Исламски џихад во Газа.
Израелската војска соопшти и дека меѓу 800 и 1.000 вооружени палестински борци се инфилтрирале во Израел од Газа од 7 октомври и дека влегле во повеќе од 80 точки од границата во 20 населби и 11 воени бази.
Бригадите Ал-Касам во саботата наутро започнаа сеопфатен напад врз Израел наречен „Поплава Акса“. Илјадници ракети беа истрелани од Газа кон Израел, вооружени групи навлегоа во населбите во регионот.
Групата соопшти дека нејзиниот напад бил одговор на израелските напади врз комплексот на џамијата „Ал Акса“ во окупираниот Источен Ал-Кудс (Ерусалим) и зголеменото насилство меѓу доселениците.
Најмалку 700 Израелци, од кои 73 израелски војници, загинаа, а повеќе од 2.300 се ранети во нападите, соопшти израелското Министерство за здравство.
Израел возврати со серија воздушни напади врз Појасот Газа, при што загинаа повеќе од 430 Палестинци, а беа повредени најмалку 2.300 други.
