АНКАРА (АА) – Израелската Армија денес потврди дека Иран нападнал две нејзини воздухопловни бази, Неватим и Тел Ноф, јави израелското армиско радио, пренесува Анадолу.
Армијата соопшти дека и покрај нападите, двете воздухопловни бази остануваат целосно оперативни.
„Базите функционираат со полн капацитет, а токму вчера и завчера беа извршени воздухопловни напади од овие бази кон Бејрут“, истакна Армијата, мислејќи на нејзините напади врз Либан.
Воздухопловната база Неватим, која се наоѓа во близина на Бершеба во јужен Израел, и воздухопловната база Тел Ноф, сместена во Реховот во централниот регион на земјата, се клучни објекти за операциите на израелските воздухопловни сили.
Иран во вторникот истрела повеќе од 180 балистички ракети кон Израел како одмазда за убиството на политичкиот лидер на Хамас, Исмаил Ханије, и лидерот на Хезболах, Хасан Насралах.
Техеран предупреди дека доколку Израел одговори на нападот, ќе се соочи со повеќе „девастирачки напади“.
Израел ги елиминира Насрала и други команданти на Хезболах во воздушен напад врз јужните предградија на Бејрут на 27 септември.
Ханије беше убиен во напад врз неговата резиденција за време на посетата на Техеран кон крајот на јули.
Извор: Anadolu Agency (AA)
