ИНСТАНБУЛ (AA) – Одмаздата на Иран како одговор на израелските напади врз неговите нуклеарни и воени објекти започна вечерва, откако израелската војска соопшти дека идентификувала проектили испукани кон Израел, известува Анадолу.
„Иранскиот напад е во тек. Десетици проектили се истрелани кон Израел,“ објави израелската војска на платформата X.
„Целиот Израел е под оган додека Иран истрелува проектили,“ се наведува во друга објава.
Официјалната иранска телевизија ‘Прес TV’ објави дека Техеран ја започнал „Операција Вистинско ветување III“ против Израел, и дека проектили директно го погодиле Тел Авив.
Силни експлозии се слушале низ централниот дел на Израел кусо време по активирањето на сирените во областа, објавија израелските медиуми.
Израел започна воена операција врз Иран рано ова утро, таргетирајќи ирански нуклеарни и воени капацитети, при што беа убиени високи ирански воени команданти и научници. Нападите продолжија до вечерните часови. Во нападите беа погодени градовите низ Иран, меѓу кои и Техеран, Натанз, Тебриз и Исфахан.
Извор: Anadolu Agency (AA)
