АНКАРА (АА) – Израелските воздушни сили го бомбардира Кан Јунис и други области на југот на Појасот Газа, каде што претходно повикаа на евакуација на цивилното население од северот, објави Агенцијата на Обединетите нации за помош и работа за палестинските бегалци на Блискиот Исток (УНРВА), пренесува Анадолу.
Во соопштението, УНРВА наведува дека израелските сили продолжиле со силното бомбардирање од воздух, море и копно. Се наведува дека и покрај упатствата до цивилите во Газа да одат на југ, израелските воздухопловни сили продолжиле да го гаѓаат Кан Јунис и другите подрачја на југ.
Постои загриженост поради дехидрација и болести предизвикани од затворањето на последната станица за прочистување на морето во Газа денес. Иако водоводот во јужниот дел на Појасот Газа беше отворен три часа, тоа овозможи ограничена количина на вода за половина од населението на Кан Јунис.
Се очекува резервите на гориво во сите болници во Газа да потраат уште 24 часа, а нагласено е дека животите на илјадници пациенти би биле сериозно загрозени доколку се исклучат резервните генератори.
УНРВА објави дека бројот на раселените Палестинци во Газа поради израелските напади достигна еден милион.
