ИСТАНБУЛ (АА) – Има загинати и повредени како резултат на тоа што израелската војска ги погоди раселените цивили кои се упатија кон јужниот дел на Газа, пренесува Анадолу.
Соопштение за ова е објавено на Телеграм од страна на Министерството за внатрешни работи во Газа.
„Има смртни случаи и повредени како резултат на нападите на израелските окупациски сили врз раселените цивили кои се движеа кон јужниот дел на Појасот Газа во близина на долината Газа“, се нагласува во соопштението.
Израел повика на евакуација на повеќе од 1 милион луѓе на северот на Појасот Газа и тврдеше дека има „безбедносни коридори“ за минување на раселените.
Палестинските власти нагласија дека нема безбедносен коридор или безбедно подрачје во Појасот Газа и дека израелската војска продолжува со нападите, вклучително и врз цивилите и болниците.
