ДЛУМ информира за отворање на изложба „ФеминаV.S.Фемининологија„ соработка помеѓу ДЛУМ и ХУЛУЛУК од Загреб.
Изложбата ќе ја отворат:
Проф.д-р Дита Старова Керими, директорка на Национална галерија,
Проф.д-р Јана Манева-Чупоска, претседателка на ДЛУМ и кураторка на проектот
-историчар на уметност -кураторка г-ѓа Санда Станаќев Бајзек од Хрватска
Петто издание на проектот ФЕМИНАV.S.ФЕМИНИНОЛОГИЈА проект во соработка помеѓу ДЛУМ и ХУЛУЛУК од Загреб.
10 македонски авторки и 10 хрватски авторки работеа во пар.
Кураторки: Санда Станаќев Бајзек и Јана Манева-Чупоска.
Извадок од текстот од каталогот на кураторката од Хрватска Санда Станаќев Бајзек:
„Тие ја менуваат перцепцијата создавајќи „здрава“ и моќна основа за тематизирање и прикажување на повеќекратниот идентитет на жената, бројните архетипи и стереотипи на кои е изложената жената, како глобални теми. Преку нивната сложена морфологија и интердисциплинарен пристап кон сликарството, тие можат јасно да се прочитаат од нивните уметнички дела. Тие го тематизираат сопствениот идентитет поминувајќи низ „заедничките места“ на нашите цивилизациски сопнувања – сексуалноста, личните слободи, моралот, наметнатите улоги. Тие ја откриваат и ослободуваат жената, покажувајќи ја во многубројноста на нејзините улоги. Нивните уметнички приказни го надминуваат нивното матично време, станувајќи општи и универзални, исконски и современи, докажувајќи дека големите теми не се ниту „женски“ ниту „машки“, туку само човечки.“
Извадок од текстот од каталогот на кураторката Проф.д-р Јана Манева-Чупоска:
„Како една од многуте тенденции во ликовната уметност оваа тема – „Пар“ ќе вбројува ликовни уметници кои со својот различен или сличен ликовен израз ќе навлезат во ова ликовно толкување што ќе ги испровоцира да го пронајдат својот „пар“ како „спротивна“ или „еднаква“ ликовна компонента. Концептот на изработка на делата е конципиран во организиран тим односно пар од две уметнички кои ќе креираат и изработат едно или неколку дела кои треба да се компатибилни, слични, различни, спротиставени или нееднакви во својата ликовна концепција. Испреплетувањето на диференцијални ликовни сигнализации ќе придонесе за креирање на овој концепт до фаза на еднаква или нееднаква кохезија. Еден „пар“ може да ги преслуша, креира, раздвои или обедини еднаквостите или различностите во самиот процес на создавање на ликовното дело.“
УЧЕСНИЧКИ ОД МАКЕДОНИЈА И ХРВАТСКА
МК- Ана Трајковска- Алана Кајфеж -ХР
МК- Вана Урошевиќ- Габријела Шимиќ -ХР
МК- Христина Зафировска -Луциа Лабас- ХР
МК -Јана Луловска- Никол Хјуит -ХР
МК- Тања Таневска -Тара Беата Рац- ХР
МК -Наташа Милованчев- Дијана Назор Чорда- ХР
МК- Марина Цветановска-Мартиновска Ивана Ожетски -ХР
МК -Марина Коцарева-Ранисављев- Ивана Бакал -ХР
МК -Маја Рауник Кирков- Ирена Гајатри Хорват -ХР
МК- Јана Манева-Чупоска- Паулина Јазвиќ –ХР
На 16ти јуни со почеток во 12.00 часот во кинотеката на Македонија ќе се одржи видео проекција на видеата на Јана Манева-Чупоска, Јана Луловска и Никол Хјуит.
Мултимедијален центар Мала Станица, Национална галерија,Скопје
ОТВОРАЊЕ НА ИЗЛОЖБАТА НА 15.06. – 28.06.2023
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
