Една вечер исполнета со топлина и гостопримство се одржа во Серово, во традиционалниот амбиент на Конакот на семејството на Хаџи Али Исени, каде кандидатот на ВЛЕН за градоначалник на Општина Чаир, Изеt Меџити, оствари пријателска посета.
Посетата се одликуваше со отворени и искрени разговори и атмосфера што ги одрази највисоките вредности на албанското гостопримство.
„Имав чест да го посетам семејството Хаџи Али Исени, семејство со визија, посветеност и љубов кон општото добро. Средбата со нив не беше само пријатна, туку и инспиративна“, напиша Меџити.
За време на средбата се разговараше за предизвиците и можностите кои ги има Чаир, како и за проектите што веќе даваат конкретни резултати во подобрување на секојдневниот живот на граѓаните.
„Посветените граѓани, како ова семејство, се вистинско богатство за нашата општина. Тие не само што ги чуваат традиционалните вредности, туку се и активно вклучени во градењето на подобра иднина за сите“, додаде Меџити.
Тој од срце се заблагодари за гостопримството и високо го оцени придонесот на семејството Исени во зајакнувањето на врската помеѓу граѓаните и нивните претставници.
„Секој ваков разговор е можност да се споделат идеи, да се слушнат одблиску вистинските потреби и да се изградат силни мостови на соработка“, заклучува во својата објава Меџити.
