Првиот заменик-претседател на Владата, Изет Меџити, денес одржа средба со Здружението на пензионери од Чаир, каде што потенцираше дека пензионерите немаат потреба од милост, туку од заслужено достоинство и почит. Тој потсети дека оваа категорија е темелот врз кој е изграденa државата, преку нивниот труд, жртви и посветеност низ годините.
„Само за една година успеавме пензиите да ги зголемиме за 7.000 денари, конкретен чекор кон враќање на изгубеното достоинство,“ изјави Меџити, додавајќи дека ова е само почетокот.
Тој се обврза дека ќе продолжат инвестициите во здравствената заштита, благосостојбата и инфраструктурата за генерацијата што ѝ дала толку многу на државата.
„Политиката не треба да биде инструмент на заборавот, туку алатка за правда и достоинство,“ заклучи Меџити.
