Директорот на Управата за финансиска полиција, Слободан Ивановски вечерва во емисијата „Бизнис21“ на ТВ21 истакна дека не сака да ја генерализира соработката со Јавното обвинителство бидејќи некогаш наидуваат на добра, додека пак некогаш на лоша соработка.
„Сепак би тргнал од една друга точка, ние водиме предистражна постапка, поднесуваме кривични пријави, врз основа на тие кривични пријави треба да биде донесена јавно-обвинителска одлука и тие да бидат процесуирани, односно процесуираните кривични пријави треба да дојдат до правосилна судска пресуда“, вели Ивановски.
Како што вели, во овој период од 14 месеци се работи за многу малку процесуирани кривични пријави и за многу малку подигнати обвиненија.
„Мора да има промени во јавното обвинителство, непроцесуираните кривични пријави значат дека ние едноставно залудно сме работеле“, порача Ивановски.
Извор: kurir.mk
