Со оглед дека Европската Унија продолжува со својата недоследност и стратегија на подвижни цели, листата на неостварени очекувања постојано се зголемува. Меѓутоа, доколку навистина се стави на маса проект којшто ќе оозможи интеграција на Западниот Балкан во единствениот пазар, тоа треба да се прифати без никаква задршка. Влезот во единствениот пазар целосно го исцрпува проектот на интеграција во ЕУ.
Ова беше дел од мислењата на говорниците на панелот „Односите на Западен Балкан и ЕУ во променлив политички, безбедносен и економски пејзаж“, во рамки на Меѓународната конференција на Паневропската унија што втор ден по ред се одржува во Скопје.
Поранешниот македонски претседател Ѓорѓе Иванов, како главен говорник на панелот, поосочи дека секогаш кога земјава се доближувала до поставената цел од страна на ЕУ, целта се поместувала, и така во недоглед, со што се зголемува и листата на нашите неостварени очекувања.
Извор: zurnal.mk
