СИЦИЛИЈА (АА) – Италија и понатаму се бори со шумските пожари што избувнаа на почетокот на неделата во јужните региони и на островите, јавува Анадолу.
Противпожарните екипи сѐ уште се борат со пожарот во близина на градот Палермо на западот на островот Сицилија.
Пожарот, кој избувна во рурална област во границите на националниот парк „Вулкан Етна“, на исток на островот, во близина на градот Катанија, повремено се шири и на автопатот А18.
Во соопштението на Противпожарната служба на Италија се наведува дека состојбата на Сицилија се подобрува во однос на контролата на пожарите, но ситуацијата на островот сѐ уште е критична.
Противпожарната служба посочи дека околу 6.000 луѓе, 1.500 возила, 14 противпожарни возила и два хеликоптера се вклучени во гаснењето на пожарите во Сицилија, Калабрија, Пуља и Сардинија.
