ГРИНДАВИК (АА) – Во близина на градот Гриндавик на исландскиот полуостров Рејкјанес, се случи четврта вулканска ерупција во последните три месеци, јавува Анадолу.
Исландската телевизија РУВ објави дека вулканот еруптирал северно од градот Гриндавик во околу 20 часот по локално време и исфрлил лава.
Многу луѓе се евакуирани од Гриндавик и туристичкото подрачје Сина лагуна.
Ерупцијата, која властите ја опишаа како „најсилна експлозија“, е четврта ерупција во последните три месеци.
По неколкуте последователни земјотреси во Исланд, на 11 ноември минатата година беше прогласена вонредна состојба поради можност од вулканска ерупција, а властите како мерка на претпазливост одлучија да го евакуираат градот Гриндавик на југозападот на земјата.
Вулканската ерупција е забележана во близина на Гриндавик на 18 декември 2023 година. По ерупцијата на вулканот што се случи во истата област на 14 јануари годинава, жителите на тој град повторно се евакуирани бидејќи лавата стигна до Гриндавик.
Гриндавик е рибарски град на јужниот полуостров на Исланд, недалеку од Порбјорн.
Градот со популација од околу 3.600 жители меѓународно е познат по своите туристички атракции, како што е геотермалната бања „Сина лагуна“.
Извор: Anadolu Agency (AA)
