АНКАРА (АА) – Амбасадата на Саудиска Арабија во главниот град на Иран, Техеран, официјално продолжи со работа по седум години, пренесува Анадолу.
Според иранската официјална новинска агенција ИРНА, Амбасадата на Саудиска Арабија во Техеран официјално е отворена на 6 август.
Саудиска Арабија сѐ уште не ја коментираше оваа информација.
Прекинот на дипломатските односи на Саудиска Арабија и Иран се случи во јануари 2016 година откако 47 лица, меѓу кои и шиитскиот свештеник Нимр ал-Нимр, беа погубени под обвинение за тероризам во Саудиска Арабија. Демонстрантите во Иран ги запалија Амбасадата на Саудиска Арабија во Техеран и зградата на Конзулатот во Машхад.
Процесот на нормализирање на односите меѓу Иран и Саудиска Арабија заврши со успешни преговори во Пекинг во март оваа година.
Иранскиот министер за надворешни работи Хусеин Емир Абдулајан и неговиот колега од Саудиска Арабија, Фајсал бин Ферхан, исто така, се состанаа во Пекинг на 6 април и се договорија за повторно отворање на амбасадите на двете земји, обновување на летовите меѓу двете земји и олеснување на визите.
Иран на 23 мај објави дека заменик-министерот за надворешни работи Али Реза Енајети е назначен за амбасадор во Ријад и повторно ја отвори Амбасадата на 6 јуни.
