АНКАРА/ИСТАНБУЛ (АА) – Туркије денес го повика иранскиот отправник на работите во Анкара во врска со наводите на одредени ирански официјални претставници за Туркије, изјави портпаролот на турското Министерство за надворешни работи Онџу Кечели, според дипломатски извори, јавува Анадолу.
Кечели истакна дека иранскиот отправник на работите бил повикан во Министерството за надворешни работи за размена на мислења и осврнување кон тие наводи.
Истакнувајќи дека турските и иранските претставници редовно се среќаваат и разменуваат мислења, тој рече дека на средбата се разговарало и за билатерални прашања.
„Забележано е дека иранските власти во последно време искажуваат повеќе критики во јавноста против Туркије“, изјави Кечели, додавајќи дека досието подготвено од Министерството за ова прашање претходно било проследено до иранската страна.
„Сметаме дека надворешнополитичките прашања во никој случај не треба да се користат како материјал за внатрешната политика.“
„Во тој поглед, ние претпочитаме да ги пренесуваме клучните пораки кои треба да се достават до друга земја директно на нивните соговорници. Оваа патека ја следевме и денес.“
„Ние високо ги цениме нашите односи со Иран. За нас е важно да ги зајакнеме односите меѓу Туркије и Иран“, додаде турскиот претставник.
Извор: Anadolu Agency (AA)
