Иран егзекутираше уште двајца мажи поради протестите низ земјата

January 7, 2023
2 mins read

Двајцата егзекутирани мажи беа осудени на смрт на почетокот на декември минатата година. Врховниот суд ги потврди смртните казни, обвинувајќи ги за убиство на паравоен офицер по име Рухола Аџамијан на 3 ноември 2022 година

Властите во Иран соопштија дека денеска егзекутирале уште двајца демонстранти осудени за наводно убиство на паравоен офицер за време на демонстрациите кои ја зафатија земјата по смртта на 22-годишната Махса Амини која почина откако беше притворена од полицијата за морал во септември минатата година.

Мохамед Мехди Карами и Мохамед Хосеини

Двајцата егзекутирани мажи идентификувани од иранското правосудство како Мохамед Мехди Карами и Мохамед Хосеини беа осудени на смрт на почетокот на декември минатата година. Врховниот суд ги потврди смртните казни, обвинувајќи ги за убиство на паравоен офицер по име Рухола Аџамијан на 3 ноември 2022 година.

Обвинителите соопштија дека офицерот бил соблечен гол и убиен од група ожалостени кои присуствувале на комеморацијата за демонстрантката која била убиена во протестите во септември.

Карами и Хусеини ги негираа обвиненијата и рекоа дека биле мачени додека биле во затвор.

Двајцата немаа пристап до адвокат по нивен избор.

ОН и ЕУ ги повикаа властите во Иран да ги запрат егзекуциите

Канцеларијата на Високиот комесаријат за човекови права на Обединетите нации Европската Унија (ЕУ) го повикаа Иран да ги запре сите егзекуции во земјата откако денеска двајцата мажи беа обесени.

„Жалиме за егзекуцијата на уште двајца демонстранти, по нефер судењата засновани на принудни признанија. Шокантно е што Иран продолжува да егзекутира демонстранти и покрај негодувањето на меѓународната заедница. Го повикуваме Иран да ги запре сите егзекуции“,

се наведува во твитер-објавата на ОН.

Европската Унија рече дека е „згрозена“ од егзекуциите, нарекувајќи ги „уште еден знак за насилната репресија на цивилните демонстрации од страна на иранските власти“.

„ЕУ уште еднаш ги повикува иранските власти веднаш да престанат со практиката на изрекување и извршување смртни казни против демонстрантите, што заслужува остра осуда“,

се вели во соопштението на ЕУ.

„ЕУ, исто така, ги повикува властите без одлагање да ги поништат неодамнешните смртни казни кои веќе беа изречени во контекст на тековните протести и да обезбедат соодветна постапка за сите затвореници“,

се додава.

Смртна пресуда им се заканува на уште најмалку 41 лице

Карами и Хусеини се двајца од вкупно четворицата егзекутирани демонстранти за кои се знае од почетокот на демонстрациите.

Првата егзекуција поради антивладините протести во Иран се спроведе на почетокот на декември, по што следеше и втората.

Според изјавите на иранските власти и од иранските медиуми во последниве месеци смртни казни добиле уште 41 демонстрант, но бројот може да биде многу поголем.

Според активистите за човекови права во Иран кои ги следеа протестите, најмалку 517 демонстранти се убиени, а над 19 200 луѓе се уапсени. Иранските власти, пак, не дадоа официјален број на убиени или приведени.

Протестите во Иран започнаа во средината на септември, кога 22-годишната Махса Амини почина откако беше уапсена од иранската полиција за морал, поради наводно кршење на строгиот кодекс на облекување на Исламската Република. Жените одиграа водечка улога во протестите, при што многу од нив јавно ја симнаа задолжителната исламска шамија, позната како хиџаб.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Да си ја чуваме татковината, ни порача Пендаровски за Божиќ

Следно

(ФОТО) Македонски државјанин фатен при шверц на 9,7 литри ракија и над 10 илјади кутии цигари во Хрватска

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop