БАГДАД (АА) – ХАЈДАР КАРААЛП –
Портпаролот на Министерството за надворешни работи на Ирак, Ахмед Ас-Сахаф, изјави дека односите помеѓу Багдад и Анкара се развиле во сите области и дека сакаат да се зголеми соработката во иднина во економијата, развојот и борбата против тероризмот, јавува Анадолу.
Сахаф даде изјави за Анадолу во врска со напредокот и очекувањата во односите меѓу Ирак и Туркије, во новиот период по изборите во Туркије.
Истакнувајќи дека се задоволни од реизборот на претседателот Реџеп Таип Ердоган, Сахаф рече: „Односите меѓу Багдад и Анкара се развиваат во сите области. Победата на претседателот Ердоган повторно ја покажува волјата на турскиот народ.“
Надворешната политика на Ирак се заснова врз „почитување на волјата на народот“, рече Сахаф и додаде: „Ја поздравуваме одлуката на соседниот народ и турскиот брат во овој поглед.“
За очекувањата за односите меѓу двете земји во иднина, Сахаф изјави:
„Ние сме за унапредување на нашите односи во новиот период врз основа на заеднички дијалог во сите области, како што се економијата, развојот, водите и борбата против тероризмот и сакаме нашата соработка да се зголеми. Обемот на трговијата меѓу двете земји, исто така, се зголемува. Секој дијалог што ќе стане поттик за зближување меѓу двете земји е важен. Како Ирак ги цениме сите можности за урамнотежени и стабилни односи и за интересот на народите на двете земји.“
Извор: www.aa.com.tr
