Инвестирани 1,2 милиони денари во информатички кабинети во Бутел

ООУ „Св. Климент Охридски“ и ООУ „Петар Здравковски Пенко“ добија нови современи компјутери со кои се опремија старите дотраени кабинети по информатика.

– Со новите компјутери ја модернизираме и унапредуваме наставата, а воедно ќе ја олеснат и наставата на учениците, напиша градоначалникот Дарко Костовски.

Со оваа инвестиција бројот на нови компјутери за една година надмина над 60.

– Инвестирањето во нашите општински основни училишта ќе продолжи со зголемен интензитет и ќе продолжиме со подобрување и унапредување на наставата на учениците, додаде Костовски.