АНКАРА (АА) – Повеќе од 2.100 парови неодамна учествуваа на церемонија за колективна венчавка одржана во северна Индија, поставувајќи во исто време светски рекорд, пренесува Анадолу.
Церемонијата, што се одржа минатиот месец во областа Баран во државата Раџастан, ја организираше невладината организација Шри Махавеер Гаушала Каљан Санстан, а на неа присуствуваа владини претставници.
Настанот е наведен и во Гинисовата книга на рекорди, на чија веб-страница се наведува дека 2.143 парови „неодамна размениле завети за време на свадбена церемонија во Баран“.
На церемонијата беше соборен светскиот рекорд за најмногу венчани парови за 12 часа и најмногу венчани парови за 24 часа, што го поставија 963 јеменски парови во 2013 година.
„За време на настанот беа склопени и хиндуистичките и муслиманските бракови“, се вели во соопштението, додавајќи дека владините претставници присутни за време на церемонијата издале венчални листови на секој пар.
Извор: www.aa.com.tr
