Владата именуваше триесетина нови в.д. директори, заменици и национални координатори. Меѓу новите кадровски решенија се претседателот на Демократскиот сојуз, Павле Трајанов, кој e назначен за национален координатор за спречување на насилен екстремизам и борба против тероризам.
Претседателката на Глас за Македонија, Солза Грчева, е именувана за национален координатор за реформи во високото образование. Професорката од Институтот за национална историја, Наташа Котлар е именувана за в.д. директор на Државен архив.
На последната владина седница, биле донесени и препораки за членовите на управните одбори на неколку јавни претпријатија, кого да изберат за претседател.
Извор: 24vesti.mk
